Берел мемлекеттік тарихи-мәдени музей-қорығының қызметкерлері Зайсан қаласындағы Ю.Гагарин атындағы орта мектепте «Берел қорғандары – Алтайдың мәңгі мұрасы» атты жылжымалы көрме ұйымдастырды.
Көрмеде Берел және Шілікті қорғандарынан табылған археологиялық олжалар таныстырылып, олардың тарихи және ғылыми маңызы түсіндірілді. Іс-шараға 10–11 сынып оқушылары қатысып, туған өлкенің бай мұрасы туралы мазмұнды мәлімет алды.