«Берел» мемлекеттік тарихи-мәдени музей-қорығының қоры құнды ғылыми және тарихи еңбектермен толықты. Музей қорына археология, тарих және Қазақстанның мәдени мұрасына арналған 100-ге жуық кітап табысталды. Кітаптарды белгілі археолог, тарих ғылымдарының докторы, профессор, Қазақстан Республикасы Мемлекеттік сыйлығының лауреаты Зайнолла Самашев сыйға тартты. Бұл — жай ғана кітаптар емес. Бұл — көп жылғы ғылыми ізденістердің нәтижесі, зерттеушінің еңбегі және келушілерге, оқушыларға, студенттер мен ғалымдарға Ұлы дала тарихын, көне ескерткіштер мен археологиялық мұраны тереңірек тануға мүмкіндік беретін құнды дереккөздер. Зайнолла Самашевтің ғылыми еңбектерінің елеулі бөлігі Қазақстан археологиясына, соның ішінде Қазақ Алтайының көне мұраларына, Берел қорғандарына, көне түркі мәдениетіне және тарихи-мәдени ескерткіштерге арналған. Тарихи мұраны сақтау мен насихаттауға қосқан баға жетпес үлесі үшін Зайнолла Самашевке алғысымызды білдіреміз!

• 
• 
•