Берел мемлекеттік тарихи-мәдени қорық-музейі аумағындағы №1, №2 және Сяньби қорғандарында тазалық жұмыстары жүргізілуде. Аталған жұмыстар барысында қорған маңы қоқыстан тазартылып, артық шөптер орылып, аумақ ретке келтірілуде. Бұл жұмыстардың басты мақсаты – ежелгі қорғандарды сақтап, оларды болашақ ұрпаққа аман жеткізу. Сонымен қатар тарихи-мәдени нысандарды ұқыпты ұстау, олардың табиғи және тарихи келбетін бұзбай қорғау – негізгі міндеттердің бірі болып табылады.