Берел музей-қорығының экскурсия жетекшісі Катонқарағай ауданы, Шыңғыстай ауылындағы Әбдікерім атындағы Шыңғыстай орта мектебінің 5-7 сынып оқушыларына арналған "Жас археолог және экскурсия жүргізуші мектебі" атты тарихи-танымдық практикалық сабақ өткізді. Сабақ барысында оқушылар археология ғылымының қыр-сырымен танысып, қазба жұмыстарының әдіс-тәсілдері туралы мағлұмат алды. Сонымен қатар, экскурсия жүргізудің негізгі қағидаларын меңгеріп, өздері шағын экскурсия жүргізіп көру арқылы тәжірибе жинақтады. Іс-шараның басты мақсаты – жас ұрпақтың туған өлке тарихына деген қызығушылығын арттыру, тарихи-мәдени мұраларды құрметтеуге баулу және болашақ мамандыққа деген бағыт-бағдар беру болды.